Du sagst, daß i di nie verstand'n hab, und nur mir selber wichtig war.
Du sagst, i war verschlossen wie a Grab
verletzend, kalt und unnahbar.

Wie oft du g'want hast in da Nacht und i hab meistens d'rüber g'lacht,
weil i net g'merkt hab', wier's da geht.
Du warst fast wier a Teil von mir, jetzt stehst auf amoi in da Tür,

und wier i aufwach, is zu spät.
Es tut so weh wenn ma verliert, wenn am die Kraft zerrissen wird.
Ma sicht an jeden Fehler ein, nur leider is scho all's vorbei.


Du warst ganz anfach immer neben mir im Schatten meiner Eitelkeit,
und i hab vüll zu wenig g'red mit dir, stumm durch Selbstverständlickeit.

I hab nie g'sehn, wier schen du bist, i hab di ni im Leb'n vermißt,
denn immer wenn i di braucht hab, warst du da.
Du wüst jetzt endlich wichtig sein, es gibt da nix mehr zum verzeih'n

denn red'n kann i jetzt mit mir allan.
Es tut so weh wenn ma verliert, wenn am die Kraft zerrissen wird.
Ma sicht an jeden Fehler ein, nur leider is scho all's vorbei.


I gebat waß Gott was dafür, warst du heut Nacht nu neben mir,
und i g'spierat dein Atem auf da Haut,

der Stolz macht unbeschreiblich blind, da Hochmut hat sein Fall verdient,
nur in mir schreit's nach dir so furchtbar laut.
Es tut so weh wenn ma verliert, wenn am die Kraft zerrissen wird.

Ma sicht an jeden Fehler ein, nur leider is scho all's vorbei.