Stophe 1

Ama Sonndich Morga

Die Vegla pfeifad laut.
Trifft en Zwerg en Wikinger
Wo grad sei Friahschdick kaut.

Er hockt sich zuanem no ond moint
Sei des net au a scheener Dag
Ond ob er au des Wetterle

Weil es halt grad so schee isch mag.

Refrain


Die Szenerie war wonderschee
A Bänkle onderm Baum

Dr Wikinger war jedoch grätig
Weil gessa hot er kaum.


Strophe 2

Dr Kloine hert net uff mit Schwätza

Ond frogt au no weiter
Wia s em denn ging ond was er äß
Ach wär dr Zwerg doch gscheiter!

Er verzählt ganz ohne Rascht
Ond merkt beim Schwätza net
Dass er jetzt glei en kurzer Zeit

Sei letzte Chance ghabt hätt.

Refrain


Die Szenerie war wonderschee
A Veschbr unverzehrt

Dr Hüne ärgert sich scho weiss
Weil ihn der Dubbl stert.


Strophe 3

Jetzt moint r au no er häb grad onder seim rechda Arm

A Ekzem von enormer Greße ond Problem mim Darm.
Dia Auga von dem Wikinger sen scho puterrot
Langsam aber sicher fühlt sich dr Zwerg dann doch bedroht.

Dr kloine Pimpf der wondert sich ond frogt was er denn häb
Dr Wikinger schtoht donnernd uff ond kommt em Zwerg zu päb.
Dr Hänfleng schluggt ond woiß genau:

"Jetzt hot mei Stündle gschlaga
Jetzt muaß i fr mei dommes Gschwätz die Konsequenza traga."


Refrain

Die Szenerie war wonderschee

Am Bänkle do wird gschlachtet
Hätt dr arme Zwerg halt bloß
Dui Ruah vom Schlächter gachtet!


"Närmrd schwätzt mir en mei Veschbr nae",
So fuhr er ihn lautstark o

Ond hob seinen mächtigen Speer
"Au net du, du kloiner Lombasack!"
Ond do druff erstach er ihn sehr.