Da quel rameto seco
del vaso sul balcon,
dopo do fogie verdi

xe vegnùo fora un fior.
Un dono de la tera
che no me meritavo,

se ti tien conto che
da do mesi no la bagnavo.
No so se sia un regalo

opur na amonission;
serto che la curo megio,
desso che ghe xe el fior.

Cussì sarìa par ti
se ti mandassi un segno:
l'omo da le aparense

spesso se fa comprar.
Regalime un soriso:
te tornarò a bagnar!