Milioni de videocassete
catalogae, registrae,
tute co le so etichete.

El compiuter, su ordinassion,
le tira fora e le mete in vision.
Tuto in silensio, sensa confusion.

Un impianto mastodontico,
potente, ma...
có cavo l'ocio da la lente

resta un sentimetro quadrato
de grigia gelatina
elaborà da man divina,

cofà na perla, un zogelo.
Un macromicromiracolo:
un tocheto de servelo.