Whoo
(Para sa lahat ng mga amang nagmamahal)
ohhh

(Para sa lahat ng amang responsable)
Kaysarap pakinggan nang tawagin kang ama
Pag kayo'y minamasdan nawawala lahat ng problema

Di ko kayo pababayaan
Pangako ni ama inyong panghawakan
(Laman ng awit na to ang mga di niyo masabi)

Aalagaan at gagabayan
(Mabuhay ang lahat ng ama)
Mahal kayo ni ama, Lagi niyong tatandaan


1st Verse:


Sa isang iglap nagbago ang lahat
Nagkaron' ng dahilan para lalong magsumikap,
Ugali ko'ng pangahas at aking pagiging sutil

Agad kong tinalikuran dahil sa mga anghel,
Na naging dahilan kung bakit !@$&apit at naniwala
Na kaya kong maitaguyod ng matiwasay,

Di man ako nagtapos ng pag aaral, di makakasagabal
Tuloy sa pag bigay nang maibigan niyo at layaw,
Titiisin ang gutom at pagod

Puyat o may sakit manhid na ko sa pait,
Masayang pinapawisan ito'y dahil alam kong ang kapalit
Ng paghihirap ang ngiti niyong matamis,

Maraming pinalagpas na pagkakataon di' ko sinayang yon
Bagkus lalong binuhos sa inyo ang atensyon,
Ang masdan bawat araw ng paglaki yun ang sukli

Ng pagmamahal na binubuhos sa araw at gabi,
Batid kong darating ang araw na mawawalay
Nanaisin niyong magsarili ng pamumuhay,

Di ko man ibigin kusang darating yon
Kaya't mabuti pang sulitin oras natin ngayon,
Saking kandungan hayaan niyong aking iparamdam

Kaligayahan na sakin ang kayo'y mapagsilbihan,
Di man ako ang naging pinaka mabuting anak
Ang maging isang ama sa inyo labis kong pinasasalamat,


Chorus:


Kaysarap pakinggan nang tawagin kang ama
Pag kayo'y minamasdan nawawala lahat ng problema
Di' ko kayo pababayaan

Pangako ni ama inyong panghawakan
Aalagaan at gagabayan
Mahal kayo ni ama lagi niyong tatandaan


2nd Verse:


Lahat ng pagod ay nawawala kapag kayo'y kasama na
Kayo ang dahilan kung ba't masarap ang maging ama,
Kayo ang kayamanan kaya't ako ay mayaman na

Walang kahalintulad ang ligaya na nadarama,
Pinapangakong magsisikap si ama para kayo
Ay mabigyan ng magandang kinabukasan,

Hindi ko hahayaang dapuan ng kagutuman pag may luhang
Papatak ay walang sawang pupunasan,
Tawagin si ama kapag hindi na kaya ang dinadala

Ako'y nasa likod aalalay kapag nadarapa,
Tutulong sa mga bagay na hindi niyo pa nagagawa
Magsisilbing mata sa pahanong kayo'y nangangapa,

Ako ang n'yong gabay nakamasid palagi
Si ama ang mag aalis ng gatas niyo sa labi,
Mga anak kong musmos dito kayo sa inyong hari

Sa langit niyo'y ako ang uukit ng bahaghari,
Salamat sa Diyos at kayo'y binigay niya sa akin
Ang mga ngiti niyo ang nagpalambot nitong damdamin,

Parang dinudurog ang puso pag ako'y yayakapin niyo
Kayo ang tagapagligtas pag nasa alanganin,
Si ama ang guro kaibigan kapatid

Gabay sa tulay nang pagsubok hanggang sa makatawid,
Kayo, init niyo ko sa lamig
At mahal ko kayo yan ang nais kong ipabatid,


Chorus:

Kaysarap pakinggan nang tawagin kang ama
Pag kayo'y minamasdan nawawala lahat ng problema

Di' ko kayo pababayaan
Pangako ni ama inyong panghawakan
Aalagaan at gagabayan
Mahal kayo ni ama lagi niyong tatandaan


Bridge:

Mahal kayo ni ama
Na handang magsilbing sandalan niyo
Sa oras na kaylanganin

Aalagaan at gagabayan
Pangako ni ama
Inyong panghawakan

Chorus:


Kaysarap pakinggan nang tawagin kang ama
Pag kayo'y minamasdan nawawala lahat ng problema
Di' ko kayo pababayaan
Pangako ni ama inyong panghawakan
Aalagaan at gagabayan

Mahal kayo ni ama lagi niyong tatandaan