Verse 1 :

ياما عشنا ايامنا صعبة كتير و بتتنسي

ياما دقت فيها مرمطه حسيت معني الاسي
مكنش ذنبي اعيش في بلاد مش حاسه بيا
من صغر سني عايش فيها وانا الضحية


بدعي ربي انه يحلها من يوم و الثاني يفكها
مشاكلنا كتير من كترها ما بقتش عارف اعدها

مبقتش طايق اشوف الحاجه بتحصل هي و عكسها
فات خلاص وقت السكوت كلمتي جالها وقتها


عيشنا ياما شفنا ناس بتدور علي الدواء
ناس عايشاها فوق في العالي و ناسنا دون المستوي
ناس بتحارب ناس و تدوس علي ناس علشان تبان في الصوره

لوحة تذكارية للشرف لكن بانت مكسوره

فين المبدا اللي عايش بيه قولي فين الاقيه

قولي ازاي هتعيش في غابه كل همك تفتري
مين هيموت جوا الحقيقه و مين هينجو بالطريقه
و مين بيبيعها حته حته و مين في حقه بيشتري


Chorus :


بندم علي كل لحظه بندم علي كل شئ
بندم علي عمر ضاع هدر وسط الطريق
ببكي علي حظ سئ خلاني اعيش غريق

خلاني انتقم من نفسي في وقت ضيق

Verse 2 :


كان نفسه يكون انسان عايش في امان و في اطمئنان
حقق احلام بسيطه من اللي بيتمناها من زمان

عاش السلام جواه.. عاش الايمان وياه
عاش حياته بفطرته و طيبة قلبه طوق نجاه


بس الحياة اداتلو درس من الدروس علم معاه
عيش لنفسك مش لغيرك ودن الناس مهيش سامعاه
كره العيشه باللي فيها و قلبه قسي زي ا لحجر

صدمه اولي ثانيه ثالثه عقله من الحيرة انفجر

كان نفسه الكل يسمعله كان نفسه الفرصه تسمحله

كان نفسه حياته ترجعله و الحظ يرجع يضحكله
كان نفسه في الكتير ما طالش غير قليل
و لحظه العسير اسرار حياته طلعت بره البير


يعيش ازاي ما هو اتعرف من حياته اتقرف
ناسه عايشه من حواليه بتعاني من ازمة شرف

كانت موضة قديمه لكن دلوقتي الوضع اختلف
خلاص مستني يوم نهايتة و من الدنيا يتخطف


Chorus :

بندم علي كل لحظه بندم علي كل شئ

بندم علي عمر ضاع هدر وسط الطريق
ببكي علي حظ سئ خلاني اعيش غريق
خلاني انتقم من نفسي في وقت ضيق