Paabuton Ko Ikaw
Words and Music: Jason Alpay


Unsa bay hinungdan
Nganong pagpangga ko imong gitalikdan
Mga panid sa kagahapon

Kalimtan ug di na mahimong paklion.

Langit da ang mag-igo

Ning naghingapin kong kalisud ug pagbakho
Kay gugma man ang nagsugo
Magpaabot nga mobalik ka kanako.


CHORUS:
Paabuton ko ikaw

Bisan hangtud k !@#*-a
Buhaton kong tanan aron mahikauban ka
Di ko igsapayan kon unsa pay kinutuban

Way laing higugmaon
Kanunay kang panggaon
Kanimo lang kini akong igasaad

Gugma kong way paglubad.



Dinhi ning lapyahan
Mga kasakit ko ihilak kong tanan
Ug ngadto sa ulan

Mga kamingaw ko ihonghong ko nalang.

Su'd ning akong kasingkasing

Larawan sa imong pahiyum magpabilin
Maoy akong pangaliya
Unta dunay ugma damlag alang kanatong duha.

(Repeat Chorus)

CODA:

Oh-oh-
Di ko igsapayan kon unsa pay kinutuban
Way laing higugmaon

Kanunay kang panggaon
Kanimo lang kini akong igasaad
Oh-oh-

Lalala-lalala
Lalala-yeah...
Oh-oh...

Gugma kong way paglubad.
Paabuton ko... ikaw...
Yeah...