ALFRED ROSE lyrics : "Upkar Naslolo Zalo Fottkiro"
Upkar naslolo poi zalo fottkiro
Fottkiro, fottkiro
Fantear gharaxim rinn magonk ietalo
Rinn kaddun, rinn kaddun
Loka khustar janot neson bhonvtalo
Sirvis kaim korinaslo
Dekhun konnem taka Abu Dhabi vhelo
Don vorsani porot ailo Bomboi
Taxini bhonvtalo olololoi
Hero koso nestalo
Cheddvam martalin zhompoi
Inglez uloitalo sangpachi nhoi
Duddu porot maglear olololoi
Duddu tuje ghetleat tor
Mhunno axinad kel'lem kagot dakhoi
Talani, falani
Goeam kazar zalo vogot lailonam
Cheddvacho maim-pai
Jetak bhul'lin tachi khobor kaddlinam
Xiklelem cheddum tem
Taka fottkireacho dubhav poddlonam
Abu Dhabi tem pautoch
Cheddvak gomlem novreak ravonk suvat nam
Thuinsorui to sirvis korinaslo
Office bag-am mat gheun bhonvtalo
Rinnani jietalo
Osoch Bomboi ailolo
Film star-am porim suttam xinvtalo
Dorjeak duddu farik korinaslo
Xiklelea cheddvacho jiv
Poieat sukhantlo dukhant ghalo
Kuwaitchea ganvantui
Zaitim Goenchim cheddvam asat xiklelim
Pounk distat kaiborim
Tambddim-tambddim bhirondd peram piklelim
Novre te manager mhunn
Sozmon babddim honran kazar zalelim
Manager khuinche? Te waiter
Thodde bekar mhunn tim chintunk poddlelim
Arabiak than ietat tankam bhulchem nhoi
Tim tanchim pil'lam akhinch giuchim nhoi
Hero koxe nestat tor
Te xiknnar mhunn sozmochem nhoi
Soglle officer mhunnon chintchem nhoi
Khobor kaddinastanam rauchem nhoi
Bhoinnani chotur ravat
Upkar naslelea fottkireank patieunche nhoi
Xiklelea bhoinnani chotur ravat
Upkar naslelea fottkireank patieunche nhoi
Submit Corrections