Hook:
Naa Bhoolo Mujhe,
Naa Bhoolo Mujhe,

Naa Bhoolo Mujhe,



Verse1:
Uska naam tha Amaanat,
Uske chunri par lagaa daag,

Tab jaani uski keemat,
Krodh se bani fir aag.
Ye sab kyun hota hai yaar?

Jise Janta kehti hai balaatkaar.
Par, ye hone se pehle,
Kahaan thi apni sarkaar?

Roti rahi woh bechaari,
Hota raha uspe waar.
Vilaayat bheja,

Uspe ilaaja shuru kiya,
Duniya ke saamne chodh di usne saans.


Kyun jalaaye hum mombattiyaan?
Usse kya hum honge kam pareshaan?
Ye desh ko chahiye koi kraantikaari

Jo uthale ek kadam,
Aur khatam kare inki nasle saari.


Balaatkar hua iss desh ka.
Damini humaari shaheed hui.
Ye gunhegaar nahi,

Saale hai aatankwaadi,
Unhe dar nahi,
Isliye dharti maa ki izzat looti.



HOOK:-

Naa Bhoolo Mujhe
Naa Bhoolo Mujhe,
Iss Jyoti ko,

Jalne do,
Naa Bhoolo Mujhe
Naa Bhoolo Mujhe,

Iss Jyoti ko,
Bujhne naa do.



Verse2:
Kyun nahi hai unke mann khaunf?

Kyun nahi di unko sazaa-e-maut?
Aur aisa kaunsa dhondhe hum saboot?
Kaisi ye sarkaar, aur kaisa unka wajood?


Dosh dete ho sab filmon ko,
Unheene lalchaaya unke dimaagonko,

Achha? 'Gar isme hai koi sachhai,
Mere bhai, kya tum bhjannonko ko sunte ho?


Desh ke rajputrne apna muh khola,
Aur Aurton ki neeyat ko tola,
Aisi soch jisse ghinn aa jaye,

Toh phir iss desh ka kya hoga?

Laatonke bhoot kabhi baatonse na maante,

'Gar ye kahaawat ko tum sab jaante,
Ho, toh kyun ruke ho?
Chalo, aage badho, yaar kuch toh karo.


Sab kehte hain aurtonko do shikshan,
Kya usse milega unko koi rakshan?

Kyunki Jyoti humaari thi padhi likhi,
Ab aap hi bataao isse aapko kya seekh mili?



HOOK:-
Naa Bhoolo Mujhe

Naa Bhoolo Mujhe,
Iss Jyoti ko,
Jalne do...